Drainage sa Carbon Market pabiling suliran
CEBU, Philippines - Nagpabiling problema karon ang drainage sa Carbon Public Market sa dakbayan sa Sugbo nga maoy gisagubang sa manindahay.
“Sa among kahimtang karon, komportable nami gamay at least nakatinda mi,†matud ni Leyte Cabanay, 53. Sagad sa makasinati sa pagbaha ang mga manindahay daplin sa karsada ug naa duol sa drainage.
Sa pagkakaron, maayo na ang kahimtang sa pipila ka mga manindahay sanglit nakapahimutang na sila og tarung ug dili na pirmeng abugon.
Apan sumala sa market administrator, Raquel Arce, ang drainage usa ra ka gamay nga problema ug dali ra kini pagsulbad.
Sa pagkakaron nigahin siya og regular schedule para sa declogging operations aron sa paglimpyo ug pag-ayo sa mga drainage nga anaa sulod ug gawas sa Carbon Public Market. Adunay 11 ka mga merkado ang anaa sulod sa Carbon ug adunay lain-laing organisasyon ang mga tindera. Adunay 36 ka organisasyon ang ubos sa Cebu City United Vendors Association ( CCUVA ).
Ang mga manindahay wala paabanga gawas sa tag P10 nga gipangayo sa gobyerno kanila matag adlaw. Ang kahimtang sa Carbon Public Market karon gihulagway nga hapsay ug malinawon. (BANAT NEWS)
- Latest
