Tigpatanto palukaton business permit
CEBU, Philippines - Nagtinguha ang Provincial Board sa Sugbo nga palukaton og business permit ang mga nagsuroy-suroy nga tigpatanto og kwarta.
Giawhag sa PB ang mga component cities ug kalungsuran sa paghimo sa maong lakang pinaagi sa gipasar nga resolusyon nga gipangamahan nilang Bokal Miguel Antonio Magpale ug Jude Thaddeus Sybico.
Ang Department of Finance bag-ohay lang nipasidungog sa nagkalainlaing siyudad ug lungsod sa lalawigan sa Sugbo sa maayong koleksiyon sa buhis.
Ang mga nagsuroy-suroy nga tigpatanto og kwarta usa sa gitan-aw nga dakung kakitaan sa mga lokal nga kagamhanan pinaagi sa buhis.
Matud pa ni Magpale ug Sybico nga kung pakyas ang nasudnong ahensiya sa kagamhanan sa pagpahamtang og buhis sa mga hingtungdan, ang lokal nga kagamhanan ang anaa sa labing maayong posisyon sanglit kaila ang mga opisyal sa mga tigpatanto sa ilang lugar. (Reahlie Velarde, FSUU Intern/GMR)(BANAT NEWS)
- Latest
