Hepe nahagit, mayor nakauyon

CEBU, Philippines - Dobleng paningkamot ang gihimo karon sa kasamtangang hepe sa Lapu-Lapu City Police Office, Sr. Supt. Armando Radoc, ilabi na sa pagpakigbatok sa ilegal nga drugas.

Kini human nakontento si Mayor Paz Radaza sa iyang napakitang buhat sulod sa kapin usa ka buwan pa lang niya sa pwesto diin dili mominus 20 na ka tawo nga nalambigit sa ilegal nga drugas ang nadakpan.

Gipasalamatan ni Radoc si Radaza sa pagsalig kaniya ug mipahibawo nga natagbaw ang mayor sa iyang binuhatan.

Ang pagdawat sa mayor kaniya isip officer-in-charge sa LLCPO giisip ni Radoc nga dako na kaayo niyang pasalamat nga gihatagan siya’g higayun nga mangulo sa kapulisan sa dakbayan.

Apan iyang giangkon nga human masayud nga natagbaw ang mayor sa iyang gihimo, nahagit si Radoc nga mohingusog pa sa iyang kampanya batok sa tanang matang sa ilegal.

Mapasalamaton kini sa mga opisyal sa barangay ug sa katawhan sa dakbayan nga mihatag kaniya og kasayuran sa mga badlungon sa lugar.

Si Radoc milingkod isip OIC niadto lang Marso 17  ug nakahimo na kini og 17 ka operasyon sulod lang sa duha ka semana. (BANAT NEWS)