Sakyanan nga anha i-grahe sa karsada i-clamp ang ligid

CEBU, Philippines - Kada gabii, pito ngadto sa 10 ka sakyanan, ang ma-clamp sa CITOM tungod kay ang tag-iya niini mi-parking daplin sa karsada. Matud ni CITOM Operations Officer Joy Tumulak nga tulo ka team sa mga traffic enforcers ang ilang pasuroyon matag gabii aron mangita og sakyanan nga anaa ra gi-parking daplin sa karsada.

Sumala pa  ni Tumulak nga daghan g’yud nga mga sakyanan ang ilang masakpan apan hatagan nila og higayon ang mga tag-iya pagkuha sa sakyanan gikan sa karsada. Kini maoy rason nga dili daghan ang mga sakyanan nga ma-clamp sa CITOM. Ang tag-iya sa sakyanan nga ma-clamp pamultahon og P500.

Kun mahibaw-an nga ang mao nga sakyanan adunay wala kabayri nga multahanan sa Traffic Violations Bureau (TVB), kinahanglang apilon kini pagbayad aron tangtangon ang clamp sa ligid. (BANAT NEWS)