Deputized TFK sa mga hotel sa Lapu manakop na
CEBU, Philippines - Gisugdan na sa mga sakop sa Task Force Kalikasan (TFK) ang pagpahigayon og sunod-sunod nga seminar sa pag-deputized og mga Environmental Team sa mga hotels ug restaurants sa dakbayan sa Lapu-Lapu.
Matud ni TFK coordinator Andy Berame nga unang gipaubos sa seminar ang Maribago Blue Waters.
Ang seminar naglakip sa pagtudlo sa mga balaud kalabot pagpanalipod sa bahandi sa kadagatan.
Gitudloan usab ang grupo sa pag-ila sa mga butang nga makadaut sa kadagatan sama sa dinamita, hilo ug mga kagamitan sa panagat nga gidili sama sa pukot.
Ang makahuman sa ilang pagbansaybansay hatagan og citation ticket ug may katungod na nga modakop sa mga malapason sa balaud.
Matud ni Berame ila kining gihimo isip force multiplier sa ilang pagsumpo sa ilegal nga kalihukan sa kadagatan nga wala’y laing gibantayan kun di mao lamang ang ilang presensiya. (BANAT NEWS)
- Latest
