Toledo mamalit og dugang garbage truck
CEBU, Philippines - Ang kagamhanan sa dakbayan sa Toledo nagplano nga mopalit og dugang garbage truck alang sa 38 ka barangay sa siyudad. Si Rex Ybañez, officer in charge (OIC) sa Public Services Division (PSD) nagkanayon nga gihuwat na lang ang pag-aprobar sa budget alang sa pagpalit og tulo ka bag-ong garbage truck.
Nasayran nga mokantidad og P7 milyones ang matag usa ka garbage truck nga pulos brand new.
Sa pagkakaron ang siyudad adunay upat ka garbage truck ug usa ka mini dump truck apan ang uban sa maong mga sakyanan adunay guba.
Matud ni Ybañez nga niadtong buwan sa Enero pa ang maong plano sa pagpalit og dugang garbage truck apan wala madayon tungod kay hangtud karon dili pa mapatuman ang annual budget sa dakbayan nga P619 milyones tungod sa temporary restraining order dihang gikwestiyon sa konseho ang legalidad sa pag-aproba sa budget. (BANAT NEWS)
- Latest
