Duha ka langyaw gitulis
CEBU, Philippines - Duha ka mga langyaw ang nangayo og pakitabang sa kapulisan human kini sila gipangtulis sa managlahi nga lugar dinhi sa dakbayan.
Usa ka American national nga naila nga si Timothy Walter Peterson, 48 taga Omaha, Nebraska, USA ang nabiktima sa pagpanulis niadtong Domingo sa gabii sa Gotiano’y Street, Barangay Kamputhaw, duol sa Redemptorist Church.
Sumala pa sa biktima nga upat ka mga lalaki ang mitulis kaniya ug gikuha iyang pitaka nga aduna’y sulod nga P2,500, drivers license, US passport, BPI atm card ug ingon man ang iyang US Visa.
Samtang usa sab ka Japanese national nga si Kohei Nishino, 28, nga nagtungha sa SME Philippine Training Center Inc. ang gitulis diha sa Mango Avenue sa usa ka wala mailhing tulisan ug gikuha iyang iphone 5 cellphone.
Ang Theft and Robbery Section padayon pa sa pag-imbestigar sa maong kaso. (BANAT NEWS)
- Latest
