Liboan ang mitambong sa Kadaugan sa Mactan
CEBU, Philippines - Gihugpaan sa mga lokal ug langyaw’ng turista sa paghinumdum sa ika- 493 nga kasumaran sa Kadaugan sa Mactan KSM o Battle of Mactan kagahapon.
Ang maong kalihukan gitambongan ni Department of Tourism 7 Regional Director Rowena Montecillo sa ngan ni Presidente Benigno Aquino III.
Gibanabana ni Lapu-Lapu City Police Office OIC Director Senior Superintendent Armando Radoc nga moabot sa 15 mil ka mga tawo ang mitambong sa reenactment sa panagsangka nila ni Datu Lapu-Lapu ug Ferdinand Magellan nga nahitabo 493 na ka tuig ang nakalabay.
Matud pa niya andam siya nga mosuporta sa lakang sa LGU Lapu-Lapu nga ideklarar ang Abril 27 nga usa ka National Holiday. Ang nibarog nga Datu Lapu-Lapu mao si Daniel Matsunaga, samtang Ferdinand Magellan gidala ni Carlos Agassi kinsa ikaduhang higayon na nga nagdala sa maong papel. Samtang ang midala sa papel ni Reyna Bulakna mao si Miss Universe 2010 fourth runner-up Venus Raj. (BANAT NEWS)
- Latest
