Naminghoy ang mga kawatan

CEBU, Philippines - Kapin lang sa P2 mil ang kwarta nga nasakiyo sa kawatan nga milungkab sa usa ka Lotto Outlet sa Barangay Canduman, dakbayan sa Mandaue nga tingali gituohan niini nga daghan og kuwarta.

Wala masayod ang kawatan nga ang kinitaan sa mao nga Lotto Outlet gidala diay sa mga kawani diha’ng nanirado sila kaniadtong Huwebes sa gabii ug gibinlan na lang og P2,200 para panukli pagka ugma.

Si SPO1 Tirso Plania ug PO1 Wilfredo Rosal sa kapolisan sa Presinto 6 sa Mandaue City Police Office (MCPO) miingon nga ang gilungkab nga Lotto Outlet gipanag-iya ni Julius Alegado, 31, nga taga Poblacion Occidental, Consolacion.

Matud ni SPO1 Plania nga ang duha ka teller nga sila si Vanessa Fuentes ug Marilen Tolumia maoy nakadiskubre sa pagpanglungkab dihang paingon na unta sila sa pag-abli niini kagahapon.

Gipangayoan nila og tabang ang Scene of the Crime Operation (SOCO) sa PNP Crime Laboratory nga mokuha og mga fingerprint. (/RUB)(BANAT NEWS)