P110Mil gisakiyo sa company driver

MANILA, Philippines - Drayber sa usa ka company gipangita karon human giingong midala sa kuwarta sa usa ka remittance center nga iyang gitrabahoan dinhi sa dakbayan sa Sugbo.

Nagpakitabang sa Police Station 9 ang usa ka Xavier Martin Orgazar Los Banez, 26, representante sa Universal Storefront Services Corporation, human nga gidala sa drayber sa maong kompanya ang P110 mil  nga kwarta sa maong establisamento.

Sa pahayag ni Los Banez ngadto sa kapulisan, usa ka Nestor Dela Serna Felices, 39, company driver, ang gipasanginlang misakiyo sa maong salapi.  Gisugo matud pa ang maong drayber nga ihatod ang maong salapi sa laing buhatan, apan wala kini motunga didto. (BANAT NEWS)