Kamputhaw gamay’g karsada
CEBU, Philippines - Gusto g’yud ni Mayor Michael Rama nga palapdan ang hagip-ot kaayo nga karsada paingon sa sudlonon nga bahin sa Barangay Kamputhaw.
Matud ni Rama nga andam motabang ang dakbayan sa Sugbo sa mga panginahanglanon alang sa katumanan sa mao nga pagpalapad sa karsada.
Pipila ka adlaw ang milabay, 30 ka balay ang hingpit g’yud nga naugdaw sa sunog nga miulbo sa sudlonon nga bahin sa Purok-3, Barangay Kamputhaw nga mikalas pa sa kinabuhi sa usa ka tiguwang.
Matud ni Rama nga sa wala pa mahitabo ang sunog daan na niya nga giawhag si Kamputhaw Konsehal Raymond Garcia nga kinahanglan g’yud nga palapdan ang mao nga karsada.
Ang karsada sa Kamputhaw bisan gani ang duol sa ilang Barangay Hall maglisud gani ang mga kotse sa pag-agi. Gituohan nga ang karsada nagkagamay kay adunay uban nga mipahimulos pinaagi sa pagpalapad sa ilang balay ngadto na sa karsada.
“We are ready to help..anyway the equipment is there just like how we helped the Lorega victims,†matud ni Rama. (BANAT NEWS)
- Latest
