HPG7 gikasohan diha sa Ombudsman
CEBU, Philippines - Nag-atubang na usab og laing kaso sa Office of the Ombudsman ang mga opisyales sa Highway Patrol Group (HPG)-7 kinsa gipasanginlang mi-ambush kang Atty. Noel Archival.
Si Atty. Renan Oliva ug Atty. Erme Monsanto, lead agents sa National Bureau of Investigation (NBI) miingon nga ang kasong anti-graft and corrupt practices act, code of conduct and ethical standards for public officials and employees ug gross misconduct ang ilang gipasaka batok nila ni Senior Superintendent Romualdo Iglesia, chief of HPG-7; Senior Inspector Joselito Lerion, Chief Inspector Eduardo Mara, Senior Police Officer 1 Edwin Galan ug Police Officer 1 Alex Bacani tungod sa paggamit sa impounded vehicles.
Niadtong adlaw nga Martes, gipasaka usab ang kasong multiple murder ug frustrated murder batok sa maong mga akusado sa NBI ug Philippine National Police (PNP) diha sa Cebu Provincial Prosecutor’s Office.
Niadtong Pebrero 18, 2014, si Archival ug iyang staffs nga sila si Alejandro Jayme ug Candido Miñoza namatay human sila gi ambusan sa barangay Coro, Dalaguete gikan sa Dumaguete. Si Paolo Cortes, ang lone survivor sa maong insidente.
Base sa imbestigasyon sa NBI, si Lerion migamit sa impounded vehicle nga usa ka pula nga Toyota Vios niadtong Pebrero 18. Ang maong sakyanan na-record sa logbook entries sa HPG7 Impounding Compound nga migawas kini sa buntag ug pagkahapon nahibalik.
Ang Toyota Vios nga gigamit ni Lerion gikatahong dunay “same distinctive features†sa Toyota Vios nga gigamit pag-ambush apan migamit lang og lahi nga plaka nga Plate No. GSC 675.
Karong adlaw nga Lunes moduso pa og dugang mga ebidensya sa Cebu Provincial Prosecutor’s Office ang NBI. Bisan napasaka na ang kaso magpadayon ang imbestigasyon tungod kay ila pang ilhon ang duha ka “John Does.â€
Si Atty. Inocencio dela Cerna ug Atty. Hazan Bargamento, mga legal counsel sa HPG-7 nagkanayon nga makahigayon na ilang mga kliyente nga matubag ang mga alegasyon pinaagi sa pagpasaka sa maong kaso. (BANAT NEWS)
- Latest
