Barbero gidunggab og ice pick

CEBU, Philippines - Usa ka 36-anyos nga barbero ang gitusak og ice pick diha sa dalan Junquera St.,San Antonio ning dakbayan sa Sugbo niadtong Sabado, ala-una sa kaadlawon.

Ang biktima giila nga si Ricky Abaño Cabiles, usa ka lumad sa San Fernando, Kawayan, Masbate. Samtang nadakpan usab dayon ang suspek nga si Wilfredo Acubo Lara, 39, taga A. Lopez St.,Labangon.

Base  sa imbestigasyon, gikatahong nag-inom ang biktima ug ang suspek uban sa ilang mga higala dihang niulbo ang panaglalis sa duha ug misanpot sa pagpanunggab.

Ang biktima nakahigayon pagdisarma sa suspek ug nadakpan kini sa tanod nga si Marcel Cahilog ug Juanito Amaro.

Ang biktima daling gidala sa Cebu City Medical Center human kini makaangkon og samad sa iyang likod ug tuong braso.  (BANAT NEWS)