Rama nangayo pasaylo tungod sa iPad ug kahasol sa road project
CEBU, Philippines - Ang mayor sa dakbayan sa Sugbo nga si Mayor Michael Rama ang nangayo og pasaylo sa publiko nga kabahin sa pagpalit sa siyudad og iPad Air gadget ug sa pagtugot sa mga gipahigayong road projects sa dakbayan.
“In behalf of the family of the city government, I would like to apologize for those who were hurt and disturbed,†matud pa ni Rama. Si Rama nagkanayon nga ang mga road repairs pagpreparar kini sa dakbayan sa umaabot nga Asia-Pacific Economic Cooperation sa 2015 ug sa International Eucharistic Congress sa 2016. Matud pa niya gipahimuslan nila karon ang summer. Sa isyu sa iPad, nangayo usab siya og pasaylo nga na-highlight ug nimugna og diskusyon sa media ug sa publiko, apan mihangyo siya sabton ang maong tinguha kay alang kini sa kasayon sa koordinasyon sa mga opisyal sa City Hall panahon sa panginahanglan.
Giisip ni Rama nga usa ka hagit ang maong mga kritisismo aron pamatud-an nga mahinungdanon gyud ang maong mga gadget.
Si city administrator Lucelle Mercado nagkanayon nga wala nigasto ang City Hall sa iPad kundi sa linya lang sa internet nga bayran og P2,000 sud sa duha ka tuig.
Giklaro hinuon sa mayor nga iyang ipabawi ang iPad kun gamiton kini sa laing katuyoan. “Anyone I see utilizing it for Candy Crush, I will crush them,†bahad pa ni Rama. (BANAT NEWS)
- Latest
