Insurhensiya sa Negros island “manageable” na – CentCom
CEBU, Philippines - Ang pangulo sa AFP-Central Command Maj. Gen. John Bonafos mibutyag sa mga tigbalita nga andam na silang ideklarar ang Negros island nga “manageable conflict affected and development ready.â€
Kini nagpasabot nga di na kaayo hulga ang New People’s Army sa maong isla.
Matud ni Bonafos nga sa higayon nga madeklarar na kini ang gobernador na sa maong lalawigan ang responsable sa pagpatunhay sa kahusay ug kalinaw sa maong lugar.
Gikan sa militar, ang kapolisan na ang mag-monitor sa kalihokan sa NPA ilabi na sa extortion activities niini.
Miingon si Bonafos nga wa ni magpasabot nga wala nay kalihokan sa NPA sa maong lugar apan matud niini nga kaya na sa local nga kagamhanan ug sa kapolisan ang pagpuhag kanila.
Sa laing bahin, 150 ka sundalo sa CentCom ang i-augment ngadto sa kapolisan alang sa seguridad sa Semana Santa sunod semana.
Sila maggikan sa Engineering Brigade, Naval Forces Central, 2nd Air Division, Special Forces Company ug sa Joint Task Force Company.
Si Lieutenant Jim Alagao, tigpamaba sa CentCom mibutyag nga siyento porsiyento na silang andam isip augmentation forces ngadto sa kapolisan.
Matud ni Alagao nga usa ka adlaw sa dili pa ang Huwebes Santo magsugod ang deployment.
Ang Cebu Provincial Police Office andam na usab sa ilang mga preparasyon sa siguridad sa Bantayan Island ug sa habagatang Sugbo diin sobra sa 100 ka personnel lakip na ang covert teams ilang i-deploy. (BANAT NEWS)
- Latest
