Unom ka balay nasunog

CEBU, Philippines -  Unom ka balay ang naugdaw sa nahitabong sunog niadtong Lunes sa gabii didto sa barangay Pahina Central sa dakbayan sa Subo .

Ang mga balay nga nasunog gihimo lang sa light materials mao nga dali ra kini nga gikaon sa kayo apan hinuon walay naangol.

Gibana-bana’ng mokabat sa P100 mil ang danyos sa mao’ng sunog ug gikataho’ng ang kalayo didto nagsugod sa balay ni Danilo Binoluac.

Matud ni FO3 Emiliano Daño sa Cebu City Fire Department nga ang maong sunog miulbo mga alas 11:27 ug nakontrolar lang usab dayon paglabay sa napulo ka minutos.

  Matud ni Daño nga padayon pa nilang gi-imbestigar ang hinungdan sa maong sunog. (BANAT NEWS)