Konsehal sa Toledo mibakwi sa iyang pirma
CEBU, Philippines - Gibakwi ni Konsehal Edgar Aguilar ang iyang pirma didto sa manifestation nga nagdeklarar nga “null and void†kon dili balido ang pag-aprobar sa 2014 Budget sa dakbayan sa Toledo.
Si Aguilar naglingkod isip ex-officio member sa Toledo City Council isip maoy presidente sa Association of Barangay Councils (ABC), ang kahugpongan sa mga kapitan sa kabarangayan.
Matud ni Aguilar nga nalipat siya pagpirma sa dokumento nga gituohang “minutes†lang sa nakalabay nga sesyon ug wala siya magtuo nga joint manifestation kadto ang iyang gipirmahan.
Nagtuo usab si Aguilar nga adunay quorum ang gipahigayon nga special session niadtong Marso 27 atol sa pag-aprobar sa annual budget.
Una nang gikwestyon sa mayoriya ang pag-aprobar sa budget kay kuno dili kadto balido tungod kay tulo lang ka konsehal sa administrasyon ang miboto niini.
Apan giklaro ni Toledo City Vice Mayor Antonio Yapha nga na-quorum sila ug legal ang pag-aprubar niini.
Nasayran nga kapin sa P619 milyones ang giaprobahan nga annual budget sa konseho nga gikalipay ni Toledo City Mayor John Henry Osmeña kay ang pagtuki sa budget milanat og pito ka buwan. (/RUB)(BANAT NEWS)
- Latest
