Kawani sa tsuneishi nasakpang nangawat

CEBU, Philippines - Gibalhog sa prisohan ang duha ka kawani sa Tsuneishi Heavy Industries human masakpi  nga nangawat og bronse sa Barangay Buanoy lungsod sa Balamban.

Ang mga dinakpan mao sila si Rogelio Salcedo, 23 anyos, adunay kapuyo ug taga Oslob, usa ka contractual employee ug si Rene Pistolante Jr., 26, taga Barangay Tanibag, Pinamungajan, usa ka welder.

Gidakop sila sa gwardiya sa Tsuneishi diha’ng gikawat unta ni Salcedo ang 9.2 kilos nga bronse nga mobalor dul-an sa P3 mil ug si Pistolante midala usab og kapin sa duha ka kilos nga bronse.

Matud pa ni PO1 Bryle Villaban, desk officer sa Balamban Police Station, nga kasong qualified theft ang atubangon sa duha ka dinakpan.  (/RUB)(BANAT NEWS)