Tindero’g isda gipatay

CEBU, Philippines - Patay ang usa ka tindero og isda human kini gipusil sa wala pa mailhi’ng lalaki samtang naglakaw ang biktima didto sa Barangay Suba, dakbayan sa Sugbo, kagahapon sa kaadlawon.

Si Winefredo Del Rosario, 51, taga dalan Sto. Niño, Barangay Suba wala magtuo nga ang tawo nga nagsunod kaniya aduna ba diay dautang tinguha sa pagpatay kaniya.

Kausa ra gipusil sa ulo ang biktima ug maoy nakaingon sa iyang diha-diha nga kamatayon.

Ang mga miresponde nga sakop sa Emergency Response Team miingon nga patay na ang biktima sa ilang pag-abot. Wala pa matino kun unsa’y hinungdan nga ang biktima gipatay. Ang kapolisan naglisod sa ilang imbestigasyon kay wala’y nakakita sa panagway sa tawo nga nagpusil ni Del Rosario. (BANAT NEWS)