Madre gitigbas sa ulo
CEBU, Philippines - Nasikop sa kapolisan sa lungsod sa Consolacion ang usa ka lalaki nga gikatahong may deperensya sa pangisip nga misulod sa monasteryo ug mitigbas sa usa ka madre samtang nag-ampo kauban sa mga madre pasado alas 8:00 kagahapon sa buntag sa barangay Sacsac sa maong lungsod.
Ang biktima naila nga si Sister Annabel Macas, 36, usa ka Franciscan nga madre, nga naa nagpuyo sa Ave Maria Franciscan Sisters Monastery sa barangay Sacsac.
Samtang ang suspetsado naila nga si Romilo Tampus, 26, nga taga sitio Tumilhaw, Barangay Tulo-tulo sa lungsod sa Consolacion.
Si PO1 Rechie Gilleran nga nahinabi sa Banat News miingon nga usa ka concerned citizen ang mitawag sa ilang buhatan kabahin sa maong hitabo.
Sumala pa ni Gilleran mikatkat ang suspek sa luyo sa monasteryo ug midiretsoog sulod sa chapel diin nag-ampo ang mga madreuggitigbas si Sister Annabel. Ang mga madre naalibwagug nagdinaganay. Nakaangkon og samad atubangan sa iyangulo, liog ug sa tuong dunggan si Sister Annabel.
Ang suspek dali usab nga mikatkat pagbalik sa koral ug gituohang gilabay niini sa kalibonan ang sundang nga gigamit sa krimen. Gidala sa Cebu Doctor’s Hospital ang biktima.
Apan matud pa ni Gilleran nga walay klaro motubag ang maong suspetsado. Matud pa ni Gilleran nga base sa pamahayag sa pamilya sa suspek may deperensya kini sa pangisip.
Pasakaan og kasong frustrated murder ang suspetsado sumala pa ni Gilleran. (BANAT NEWS)
- Latest
