PNP collapsible outpost gimuntar sa MCPO

 CEBU, Philippines -Gilusad sa Mandaue City Police Office (MCPO) kagahapon sa buntag ang ilang collapsible police outpost ug ang unang gibutangan niini mao ang dalan United Nation Avenue sa barangay Umapad, dakbayan sa Mandaue. Bantayan og tag duha ka polis ang maong mga outpost sulod sa 24-oras nga mahimong kadangpan sa mga tawo nga mabiktima sa mga dautang elemento.

Mahimo kining ibalhin sa laing dapit kun diin dunay mga pagpanulis, pagpanglabni, pagpayuhot sa illegal nga drugas ug uban pa.

Si Senior  Superintendent Petronelli Baldebrin, direktor sa MCPO uban ni Superintendent Crisaleo Tolentino nangulo sa paglusad niini nga gitambongan kini ni Mayor Jonas Cortes.

Si Cortes mihangop niini kay matud niya dako kaayo kini’g ikatabang batok krimen.  (BANAT NEWS)