HPG-7 na-demoralized sa kaso ni Archival
CEBU, Philippines - Mga sakop sa Highway Patrol Group-7 miangkong na-demoralized ug di pa ganahan nga motrabaho human sa pagkakaplag sa awto nga gituohang gigamit sa mibanhig kang Atty. Noel Archival diha sa ilang impounding area.
Si Senior Insp. Oliver Plania, ang tigpamaba sa Highway Patrol Group 7 miingon nga nakalitan kaayo sila sa maong taho ug matud pa niya nga na-demoralized ang ilang buhatan.
“Kalit man gud sa among part,na-demoralize ang mga personnel sa Highway Patrol di na ganahan motrabaho… Very unfortunate sa HPG, nganong na-implicate man me, sa past years nangusog ta sa anti carnapping,†matud pa ni Plania.
Mibutyag si Plania nga naa lang sa buhatan si Supt. Romualdo Iglesia ang hepe sa HPG-7 sukwahi sa mga taho nga mitago kini apan ang mga abogado lang nila ni Iglesia, Chief Insp. Eduardo Mara, Sr. Insp. Joselito Lerion ug SPO4 Edwin Galan ang moatubang sa taga National Bureau of Investigation. Apan nasayran nga ang abogado lang ni Galan ug ni Mara maoy gikatahong mi-atubang sa mga taga NBI sa miaging adlaw.
Si Chief Supt. Danilo Constantino, hepe sa Police Regional Office 7 miingon nga dili angay nga ma-demoralized ang HPG ug kinahanglan nga mopadayon gihapon sila sa ilang trabaho. Dugang ni Constantino nga ubos pa man sa imbestigsayon ang maong kaso ug wala kini magpasabot nga sila gyud ang nagbuhat sa krimen. (BANAT NEWS)
- Latest
