No left turn para sa jy-lahug gikan sa sitio sudlon, lahug
CEBU, Philippines - Daghan g’yud nga mga motorista ang nagbagolbol kay samtang gidid-an sila sa City Traffic Operations Management (CITOM) pag-left turn paingon sa JY Square kun gikan sila sa karsada sa Sitio Sudlon, sakop sa Barangay Lahug, ang CITOM napakyas pagpangita og sulbad unsaon nga dili sila mahasol pag-ayo.
Ang pagdili sa “left turn†paingon sa Lahug Rotunda ipatuman gikan sa alas sayes ngadto sa alas nueve sa buntag, ug sa hapon gikan sa alas kuwatro ngadto sa alas siete sa gabii.
Ang mga motorista mapugos tuod sa pag-right turn apan sanglit wala’y U-turn slot nga giandam ang CITOM aron adto ang mga motorista makatuyok, sagad sa mga motorista anha ra usab moliko sa unahan lagbas sa “solid line†taliwala sa karsada nga makapasamot sa kapeligro nga sila madam-agan.
Base sa balaod ang mga karsada nga gibutangan og solid yellow line nga badlis sa tunga nga bahin dili gani g’yud katugotan ang mga sakyanan sa pag-U-Turn, mao nga naglibog ang mga motorista kun unsay ilang himoon.
Si Mayor Michael Rama miingon nga kadtong mga sakyanan nga mopaingon unta sa JY Square gikan sa Sitio Sudlon moadto usa sila atubangan sa University of the Philippines (UP) nga ang gilay-on kapin sa usa ka kilometro gikan sa eskena sa Sitio Sudlon aron adto sila mobalik.
Apan ang mao nga karsada atubangan sa UP College nga gipasabot ni Mayor Rama aduna gihapo’y solid yellow line nga dili gihapon matugotan ang pag-U-Turn sa mga sakyanan.
Sagad sa mga motorista nga usahay parahon sa mga sakop sa CITOM mangatarongan nga wala sila’y mahimo gawas sa pagbalik diha ra sa unahan usab nga bahin tungod kay wala man magbutang og U-Turn slot ang kagamhanan kun gusto sila nga dili maka-left turn ang mga sakyanan paingon sa JY Square panahon sa “peak hours.†(BANAT NEWS)
- Latest
