Miabuso sa singko- anyos nga bata ikiha

CEBU, Philippines - Usa ka 46-anyos nga mekaniko sa usa ka ospital sa Mandaue gireklamo nga mimolestiya og singko-anyos nga batang babaye didto sa Barangay Jagobiao kaniadtong Huwebes sa hapon.

Ang kapolisan nag-andam sa gikinahanglang dukomento aron pasakaan og kaso nga paglapas sa Child Abuse Law si Julius Manatad nga gireklamo sa iyaan sa bata didto sa Presento 3 sa Mandaue City Police Office (MCPO).

Matud sa iyaan sa bata nga gipangita niya ang iyang pag-umangkon kay wala mopauli sa ilang balay hangtud nga iyang nakit-an sulod sa balay sa suspetsado.

Ang iyaan sa bata miingon nga gitug-anan siya sa iyang pag-umangkon nga gihuboan siya sa sapot sa suspetsado ug gihagkan dayon gipanghikap ang kalawasan dayong pasok sa iyang tudlo sa pribadong parte sa lawas sa bata.

Si PO3 Edmund Villacora miingon nga ang ilang Women’s Desk Section mipakuha na og medical examination sa bata nga maoy ilang basehan sa pagpasaka og kaso batok sa suspetsado nga nagpabilin pa nga gawasnon. (/RUB)(BANAT NEWS)