Kining atong pagka-kalimtanon

CEBU, Philippines - Normal kini. Magkataas ang atong edad, magka-grabe ang atong pagka-kalimtanon. Gani ang uban, bisag di pa senior citizen, dali na kaayong makalimot. Giingon dinhi nga ang atong mga mental functions, sama sa memory, speed of thinking, problem-solving, reasoning ug decision making mo-decline sa katapusang mga adlaw sa atong kinabuhi – the last 30 or 40 years of our life.

Sa ato pa, kun nag-edad ka’g 40 karon, sa ato pa, dugay pang ma-senior citizen … ang katapusang 30 ka tuig sa imong existence, ma-50 ka, ma-60, ug ma-70, kana kun makaabot ka’g 70,  ang imong mga mental functions magkaluya na, ug maapektohan ang imong panghunahuna ug pagsabot, ang imong pag-atubang sa mga problema, ang pagpangatarungan ug pag-desisyon.

Of course, kanatong mga senior citizen, ato kining nasinati. Maoy hinungdan nga gitambag dinhi nga kinahanglan atong paduwaon ang atong utok, atong pa-obrahon aron dili matay-an … kini, aron pag-improve sa atong memory. Ania ang mga “mind games” atong nakutlo sa Internet:

• Write things down where you can see them. Isuwat ang mga butang nga buot nimong hinumdoman … sa dapit, sama sa chalkboard nga imong makita. Akong amigo iyang isuwat sa notebook, apan makalimot pagtan-aw sa notebook.

• Eat “brain food.” Unsa man ni? I-blend ang blueberries, cranberries ug strawberries … ug … saging ug coconut milk.

• Use mnemonics. Giingon nga “our brains remember pictures much more easily than written information.”  Mas sayon paghinumdom sa mga hulagway, mga pictures kay sa sinuwat nga impormasyon.

• Write down appointments as soon as you make them. Ayaw kompiyansa. Kun duna kay appointment, isuwat dayon, ayaw pag-unya-unya, aron seguro nga di kalimtan. Ug paningkamoti nga di ka kalimot sa imong gisuwat. Sa giingon sa unahan, isuwat kini sa dapit nga imong makita.

• Memory games. Sama kono sa atong lawas, ang atong utok nagkinahangan usab og exercise, sama sa mga memory games. Mga puzzle solving, mga games sa Internet. Ambut gi-consider ba ang mahjong ug mga card games nga mga memory games.  Ang maong mga memory games, giingon nga makabansay sa atong paghinumdom, improve brain elasticity, and get you thinking faster while being entertained. Sa laktod, gamita ang imong utok, lingawa, i-exercise, ayaw padaug sa imong katapulan, tambong sa mga miting sa inyong chapter, salmot sa mga kalihokan niini, paminaw ug interact, aron ka malingaw, sa Senior Citizens Hour sa dyRC matag Sabado, 5:00-6: 00 pm. Tels. 4125249 ug 4125298 nakutlo sa Internet:

Sa ato nang gibalikbalik dinhi, si George Burns mitambag: “Refuse to grow old. While growing old is inevitable, being old is not. Sure you will grow old, but you can stay young – young in looks, young in thinking, young at heart.”  (BANAT NEWS)