Pamultahon ang magpataka og labay’g basura sa Talisay
CEBU, Philippines - Mga magpataka’g labay og basura bisan og putos sa kendi o opus sa sigarilyo diha sa bisan asang dapit sa dakbayan sa Talisay dakpon ug pamultahon sugod karong Lunes, Marso 10, 2014. Si Talisay City Information Officer (PIO), Vincie Monterde nga nahinabi sa Banat News nagkanayon nga ang pagsikop sa mga hugawan pinasubay kini sa City Ordinance 2007-03 kon “Comprehensive Waste Management System of the City of Talisayâ€.
Sa unang kalapasan, P300 ang multa ug usa ka adlaw nga community service, P600 ang multa sa ikaduhang kalapasan ug lima ka adlaw nga community service ug P1,000 nga multa sa ikaduhang kalapasan ug 15 ka adlaw nga community service. Matud ni Monterde nga adto ilabay sa trash can o garbage bin ang mga basura apan kung walay makit-an isulod lang una kini sa bulsa ug ilabay lang kung dunay tukmang kalabayan.
Gibutyag ni Monterde nga sulod niining semanaha gipalapdan na nila ang information drive ug gitahasan ang Flying Squad ug City of Talisay-Traffic Operation Development Authority (CT-TODA) pag-rekorida niini.
Ang kagamhanan sa siyudad nanawagan usab kini sa kabarangayan nga mag-designate og lugar nga tapokanan sa ilang basura aron adto kini kolektahon sa garbage collector. - /EIM (BANAT NEWS)
- Latest
