Congressional inquiry gitinguha alang sa demolisyon sa Apas
CEBU, Philippines - Usa ka konsehal sa dakbayan sa Sugbo gusto nga himoan og Congressional Inquiry kun ngano nga naangkon man ni Aletha Suico-Magat ang yuta sa Sitio San Miguel, Barangay Apas nga kabahin kaniadto sa karaang Lahug Airport.
Apil nga gusto’ng madiskutir ni Konsehal Alvin Dizon, tsirman sa Committee on Housing, mao ang pamaagi sa pagpangguba sa kabalayan sa mga nagpuyo sa yuta nga giangkon sa pamilya nga Magat. Unya sa Miyerkules sunod semana, si Dizon moduso og resolusyon sa City Council nga maghangyo og Congressional Inquiry dili lang sa Barangay Apas apan ilakip ang mga mosunod pa nga mga demolisyon sa dakbayan nga makalapas sa katungod sa mga “informal settlers.â€
Ang hangyoon ni Dizon nga mohimo sa Congressional Inquiry mao ang tsirman sa Committee on Housing and Urban Development sa Kongreso nga si Alfredo “Albee†Benitez.
Tinguha sa konsehal nga ang mao nga komitiba sa Kongreso motan-aw pagbalik sa mga lagda sa Urban Development and Housing Act (UDHA) kay 22 ka tuig na kini nga nahimo ug posible nga angayan na nga himoan og kausaban aron maprotehean g’yud ang mga kabus.
Laing resolusyon ang iduso ni Dizon nga mohangyo ni Supreme Court Chief Justice Maria Lourdes Sereno nga tun-an ang paghimo og mga lagda sa pagpatuman og demolisyon nga himoon sa mga court sheriff. - /RUB (BANAT NEWS)
- Latest
