Lalaki nikirig patay
CEBU, Philippines - Patay ang usa ka lalaki nga napalgan duol sa koral sa usa ka poultry farm kagahapon sa kaadlawon sa barangay Media Once sa dakbayan sa Toledo.
Ang nakuryentihan naila nga si Melvin Parba, 33, molupyo sa sitio Tinahas sa nahisgutang barangay.
Ang tag-iya sa poultry house naila nga si Michael Rafols, taga Media Once apan kasamtangang nagpuyo sa Duljo-Fatima sa dakbayan sa Sugbo.
Base sa imbestigasyon sa kapolisan nga nakadawat sila og tawag pasado alas 4:00 sa kaadlawon gikan sa usa ka Eugenio Pando tungod kay may napalgan silang namatay nga tawo duol sa kural.
Matud pa nga ang kural sa maong poultry house ginama sa barbed wire nga may kuryente pangontra sa mga kawatan.
Wala na madala pa sa tambalanan ang biktima ug gidala na lang ang iyang patay nga lawas sa punerarya.
Gisusi karon sa kapolisan kun nag-unsa ang biktima sa maong dapit sa maong oras. (/EIM)(BANAT NEWS)
- Latest
