Tulo nangamatay sa Sugbo, usa nila bata nakuryentihan
CEBU, Philippines - Tulo ka tawo ang namatay sa managlahing higayon ug lugar sa Sugbo diin usa niini nakuryentihan, usa naghikog ug ang usa napalgan lang nga wa nay kinabuhi sa kilid sa karsada.
Patay si Aeron Jade Manzanares, 11, taga Biasong sa lungsod sa Balamban sa alas 11:00 sa buntag sa miaging adlaw.
Base sa imbestigasyon sa kapolisan nga padulong unta maglabay sa iyang hugaw si Manzanares padulong sa gawas sa ilang balay apan nakahikap kini og live wire maong nakuryentihan.
Matud pa nga ang maong wire padulong pa i-instalar isip ground wire gikan sa metrohan sa ilang kuryente.
Gisulayan sa pagtabang sa mga kaliwat sa bata apan patay na kini ug nakaangkon og grabeng paso sa iyang kalawasan.
Patay usab ang usa ka lalaki nga napalgang nagbitay sa pisi sulod sa iyang lawak sa sitio Care Purok 8, barangay Camputhaw sa dakbayan sa Sugbo.
Ang namatay naila nga si Novelito Zamora, 25. Matud pa sa amahang si Brunito ngadto sa kapolisan, nabalaka ang iyang anak kay gipatawag kini sa barangay tungod kay duna kini gibaharan ginganlan og “Bulhog.â€
Samtang napalgan na lang nga wala nay kinabuhi ang usa ka lalaki kilid sa national road sa barangay Dalakihan sa lungsod sa Samboan pasado alas 3:00 sa miaging hapon.
Ang namatay naila nga si Rosendo Fernandez, 55 nga molupyo sa nahisgotan nga lugar.Nasuta sa Municipal Health Officer nga si Sherilyn Catubig nga giatake sa kasing-kasing ang biktima. (BANAT NEWS)
- Latest
