Bag-ong imbento pagdaginot og gasolina ipa-patent na
CEBU, Philippines - Human natangtang sa iyang trabaho, usa ka enhinyero ang nahimong inventor human siya nakamugna og usa ka kahimanan nga makapaminos sa konsumo nga gasolina sa makina.
Gitun-an na karon sa Intellectual Property Office (IPOP) of the Philippines ang aplikasyon ni Engr. Joselito Arenas aron makakuha og siya patent sa iyang “Power Booster and Fuel Saver Device.â€
Ang naimbento ni Arenas giendosar usab sa kadagkoan sa Cebu Institute of Technology –University (CIT-U).
Sila si Gregorio Escario, presidente sa CIT-U ug Dr. Edwin Torillo, pangulo sa Innovation and Technology Support Office sa maong unibersidad, misulat na ni IPOP Director General Ricardo Blancaflor ug miendosar sa bag-ong imbento ni Arenas. Si Arenas nga usa ka mechanical engineer, gradwado sa CIT-University. Nakatrabaho si Arenas sa East Asia Utilities Corporation sa Mactan Export Processing Zone (MEPZ)-1 sukad Abril 4, 1994 hangtod Septiyembre 2, 2010.
Apan gitangtang si Arenas sa trabaho tungod kay dugay siya nga nakapahibalo sa nahitabong kawat sulod sa kompaniya. Si Arenas bag-o lang midaug sa iyang kaso nga naabot sa Court of Appeals.
Si Arenas misang-at og buwag nga kaso batok sa kompaniya didto sa Professional Regulations Commission (PRC) tungod sa wala pagkuha og propesyonal nga mechanical engineer sa ilang operasyon nga kalapasan sa lagda sa Philippine Mechanical Engineering Act. (/RUB)(BANAT NEWS)
- Latest
