Ligoy nga kawani sa Talisay, imbestigahon
CEBU, Philippines - Si Talisay City Administrator John Yre De los Reyes mopaimbestigar sa report mahitungod sa giingong ligoy nga mga job order (JO) nga kawani kinsa panahon sa trabaho magpunay lang og lingkod. Gikataho nga dunay mga JO sa pipila ka department sa city hall sa Talisay ang giingong maglingkod lang ug gani dunay uban nga magduwa lang og games sa computer.
Matud ni De los Reyes nga kung dunay masakpang mga ligoy nga JO posibleng masuspenso o mataktak kini sa ilang trabaho.
Gibutyag sa city administrator nga pagkakaron ang Talisay dunay 1,600 ka JO’s lakip na niini ang mga nadestino sa Green Valley Program (GVP) sa mayor, apil niini ang 100 ka JO nga anaa madestino sa ihawan.
Matud ni De los Reyes nga sa 1,600 ka JO’s ang 1,200 kanila gipatrabaho atul sa administrasyon ni Mayor JVR. Ang matag konsehal nga sakop sa oposisyon dunay quota nga 20 ka JO gawas lang sa ex-officio member nga si Raul Cabañero ug Konsehal Eduardo “Digul†Gullas III nga gihatagan lang og tag lima.
Samtang ang mga konsehal nga ubos sa administrasyon gihatagan kini og tag 50 ka mga quota sa JO. (BANAT NEWS)
- Latest
