Traffic Education

CEBU, Philippines - Unsa’y buot ipasabot nianang yellow nga pintal nga gibadlis unya giporma og kwadro diha sa dagkong eskena, unya gibutangan og ikis sa tunga?

Daghang mga drayber nga wala makasabot sa kahulogan niining mao nga badlis, ilabi na kadtong mga drayber nga mibayad lang sa iyang lisensya.

Ang mao nga badlis gitawag og “Junction Box” apan wala kaayo kini hingpit nga gipatuman dinhi sa dakbayan sa Sugbo. Ang dakbayan sa Sugbo dunay ordinansa nga mosilot og P1,000 sa mga drayber nga masakpan nga ang sakyanan masulod sa Junction Box atul sa Go Signal.

Ang Junction Box sagad ibutang sa mga dagko nga eskena aron nga pagsiguro nga  dili ma-traffic ang mao nga lugar. Ang drayber dili gayud angay’ng molahos bisan og “Go” pa ang signal kun makita niya nga dili makalahos ang iyang sakyanan. (BANAT NEWS)