“Cops on Board” mositar sa mga kaskaserong bus drivers

CEBU, Philippines - Ang Cebu Provincial Police Office molusad sa programang Cops on Board sugod karong Marso isip kabahin sa crime prevention ug aron usab sa pagbadlong sa mga drayber nga magpaturagas lang padagan sa ilang mga bus.

Ang programa motutok sa seguridad sa mga pasaherong sakay sa mga bus matud ni Supt. Ricky Delelis, hepe sa Provincial Operations and Plans Division sa CPPO.

"May mga drivers kasi na kaskasero at pwede silang sitahin ng kapulisan natin at kung hindi pwede nang arestuhin," matud ni Delelis.

Si Delelis mibutyag nga ang mga pulis magpakaaron-ingnong pasahero nga mosakay sa bisan unsang bus ug manganaog bisan asa apan kinahanglan nga naka-uniporme sila.

"Kahit saan sila pwedeng sumakay kahit saan din sila pwedeng bumaba at kahit anong bus 'yung sasakyan nila," sigon ni Delelis.

Plano sa CPPO nga kada police station mohatag og upat ka   polis alang sa 12-hour shifting sa tibuok semana.

Sa gipahigayon nga press conference kagahapon, 20 ka mga bus operators ang mitambong ug silang tanan nakauyon sa programa sa kapulisan.

Plano usab sa CPPO nga mag-train og police isip deputized personnel sa Land Transportation Office (LTO) ug sa Land Transportation Franchising and Regulatory Board (LTFRB).

"As of now we are still preparing the documents for our final consultative meeting this week or next week kasi we need PNP and our law-enforcers to work on this," matud ni Delelis.

Sa iyang bahin si Ahmed Cuizon, LTFRB director, misuporta sa kapulisan  sa maong programa ug wa usab siya’y problema kung i-deputized ang mga polis.

"We support it and we can deputized them because it is a very good plan," matud pa ni Cuizon.( /EIM)(BANAT NEWS)