Kawatan nakabiktima na sab
CEBU, Philippines - Kapin sa P100 mil nga balor sa mga butang ug kwarta ang nakuha sa mga wa mailhing kawatan sulod sa balay sa usa ka negosyante sa dalan F. Pacaña sa barangay Tisa ning dakbayan sa Sugbo niadtong Biyernes sa gabii.
Ang biktima naila nga si Chilo James Delator, 54, molupyo sa nahisgutan nga dapit.
Pasado alas-9 na niadtong miaging Biyernes nabantayan sa biktima nga wala na ang iyang mga gamit ug alahas sa ilang balay.
Nasuta nga gikuha sa kawatan ang iyang P9 mil nga cash, P45 mil nga balor sa bracelet, P40 mil nga balor sa usa ka set nga ariyos, P30 mil nga balor sa white gold nga ariyos, ug ang wedding ring nga mokabat og P22 mil.
Sa laing pagpangawat, alas-3 sa kaadlawon nadiskubrehan ni Dondon Ting Amahin,33, auditor sa usa ka pawnshop nga gilungkab na ang iyang kwartong giabangan diha sa barangay Tinago, dakbayan sa Sugbo niadtong Domingo.
Sa gihimong ocular inspection sa kapolisan nasuta nga ang mga kawatan diha miagi sa kasilyas sa maong kwarto pinaagi sa pagtangtang sa jalousie blades sa bintana.
Lakip sa mga nakuha sa kawatan mao ang duha ka laptop, external hard disk nga mokabat tanan og P65 mil. Ang kapolisan padayon pa sa ilang imbestigasyon sa maong kaso. (/EIM)(BANAT NEWS)
- Latest
