Treat members wa gipatanom
CEBU, Philippines - Mga sakop sa Talisay Rescue Emergency Action Team (TREAT) giingong gipaapil og pananom sa Green Valley Program (GVP) sa siyudad sa Talisay.
Apan ang maong report gihimakak sa Public Information officer nga si Vincie Monterde ug mismo sa sakop sa TREAT nga si Lyle Abatayo.
Si Monterde nga nahinabi sa Banat News kagahapon nagkanayon nga mga kabataan ug kababayen-ang volunteers ang nananom ubos sa programa nga “cash for work†sa social services sa Talisay. Si Monterde mipasabot nga way bisan usa sa dose ka sakop sa TREAT ang gipatanom sa GVP. Matud pang Monterde gibahin sa tulo ka grupo ang personnel sa TREAT nga mo-duty sulod sa 24- oras.
Nunot niini si Lyle Abatayo kinsa driver/crew sa TREAT mihimakak sa nahisgutang report nga gipaapil sila sa pagpananom sa GVP.
Ang maong isyu migawas human dunay mga mireklamong Talisaynon kabahin sa kawalay gamit sa TREAT sa ilang siyudad tungod kay walay kaugalingong ambulansya o sakyanan aron makaresponde.
Si Monterde mibutyag sa milabay’ng adlaw nga duna nay sakyanan nga magamit kay ang karaang ambulansya gipagawas na sa motorpool ug ang pickup sa “Text to the Mayor†office ilaha usab magamit. Apan sa pag-check sa Banat News kagahapon, si Abatayo mibutyag nga wala pa gihapon sila’y ambulansya. (/EIM)(BANAT NEWS)
- Latest
