CEBU, Philippines - Nagtingkagol sa prisohan ang usa ka amahan nga gireklamo sa iyang anak nga nanghinol sa pribado nga bahin sa iyang lawas didto sa Barangay Adlaon, dakbayan sa Sugbo.
Si “Jane,†siyete anyos, (dili tinuod nga pangalan) mitaho sa kapolisan nga gihinol siya sa iyang amahan pasado alas- 5 niadtong Lunes sa hapon.
Sila si PO1 Rolly Bonjoc sa Cebu City Public Safety Company miadto sa balay sa suspek ug gidakop kini tungod sa kalapasan sa RA 7610 o Violation Against Women and Children.
Samtang nasikop sa kapolisan didto sa Sitio Yati, Barangay Quiot, dakbayan sa Sugbo ang usa ka babaye nga wanted sa kaso nga kalapasan sa RA 7610.
Ang nasikop naila nga si Rosa Betero nga may pending nga warrant of arrest nga giluwatan ni RTC Branch 22 Judge Manuel Patalinghug.
Si Betero makagawas lang sa bilanggoan kun makabutang og pyansa nga P30 mil nga gitakda ni Judge Patalinghug. Si Betero anaa pa sa Punta Princesa Police Station apan ihatud kini sa Cebu City Jail. (BANAT NEWS)