Mga gamit sa nagpikit sa Country Club gisakmit sa PROBE
CEBU, Philippines - Taliwa sa ka-traffic ug sa nagpadayon nga pag-rally gawas sa Cebu Country Club sa Banilad, dakbayan sa Sugbo, laing problema na usab ang nakit-an sa City Hall.
Diha sa gawas sa maong golf club, aduna nay mga lutuanan, kan-anan, ug katulganan, hinungdan nga gipangsakmit kini kagahapon sa mga sakop sa Prevention, Restoration, Order, Beautification and Enhancement (PROBE) team.
Ang pangulo sa PROBE nga si Raquel Arce nagkanayon nga gialihan na sa mga nag-picket ang agianan mao nga kinahanglan na kini bungkagon.
“Last week giabisohan nato sila nga wa ‘mi manghilabot sa inyong strike, ayaw lang ninyo alihi ang sidewalk,†pasabot pa ni Arce.
Matud ni Arce nga iyang gihatagan og usa ka semana ang mga raliyista aron tangtangon ang gitukod nila nga mga estraktura sa maong lugar, apan wala nila kini buhata.
Si Arce nagkanayon nga kun magpadayon pagsupak ang mga nag-picket iya kining ikonsulta sa City Legal Office (CLO) ug siya na mismo ang moadto sa lugar aron ipasakmit ang ilang mga giali sa sidewalk.
Gibutyag ni Arce nga gipadad-an siya og suwat sa abogado sa mga nag-picket nga mi-demand nga ipauli ang ilang mga gamit sama sa mga trapal, lutoanan, ug uban pa. Ang suwat gipasa na ni Arce sa legal office.
“Dili nato ibalik kay legitimate man ‘to nga operation. We must clear the area, otherwise, it will be negligence in my part,†padayag pa ni Arce. (BANAT NEWS)
- Latest
- Trending
