Mga barangay sa Talisay gipaalerto sa katalagman
CEBU, Philippines - Human sa mga nahitabong katalagman diin ang dakbayan sa Talisay apil nga naapektohan, ang konseho sa Talisay miawhag sa mga opisyal sa 22 ka barangay sa pag-activate sa Barangay Disaster Risk-Reduction and Management Committee (BDRRMC).
Si Konsehal Danny Caballero nga maoy mihimo sa resolusyon nagkanayon nga tumong sa pag-activate sa BDRRMC mao ang pagpangandam kung dunay moigong katalagman ug ang pagtuman sa balaud nga gilatid sa Republic Act 10121.
Matud ni Caballero nga ang kabarangayan duna ‘say kaakohan paghimo’g paagi nga mapugngan ang katalagman.
Si Caballero mipasabot nga ang barangay maoy labing gamay nga local government unit apan duna kini dakung katungdanan sa iyang komunidad diin ang mga opisyal sa barangay maoy daling makatubag kung dunay panghitabo sa ilang lugar nga maglambigit sa katalagman. (BANAT NEWS)
- Latest
