44 napasakaan og kaso sa DENR
CEBU, Philippines - Gipahibawo sa Department of Environment and Natural Resources (DENR) nga 44 na ka kaso ang ilang gipasaka ngadto sa korte batok sa mga tawo nga illegal nga namutol og mga kahoy dinhi sa lainlaing dapit sa Central Visayas gikan sa tuig 2010 hangtud sa 2013.
Matud ni DENR-7 Regional Executive Director Dr. Isabelo Montejo nga kabahin kini sa ilang pagpangusog sa kampanya batok sa illegal logging.
Si Montejo mitataw nga sa 44 ka kaso, ang 25 niini gipasaka nila sa mga hukmanan sa Bohol, 15 dinhi sa Sugbo ug upat sa Negros Oriental.
Ang mga forest rangers ug ang mga kawani sa DENR gimandoan nga tambongan gayud nila ang mga husay sa kaso batok sa mga suspetsado aron magmalampuson sila nga masilotan g’yud ang nakahimo’g salaud pagpasagad og putol sa mga kahoy. (/RUB)(BANAT NEWS)
- Latest
