Gipasanginlang “rice smuggler” gidakop
CEBU, Philippines - Gidakop ug nakapiyansa na ang negosyanteng gipasanginlang rice smuggler nga si Davidson Bangayan alyas David Tan tungod sa kasong electric pilferage diha sa Caloocan City.
Ang National Bureau of Investigation (NBI) misikop kaniya kagahapon sa buntag tungod sa warrant of arrest niini sa kasong electric pilferage apan didto kini mipiyansa sa Manila Regional Trial Court.
“We are posting bail at the Manila RTC. You can post bail in any court. And we chose Manila because it's nearer,†matud pa sa abogado ni Bangayan nga si Benito Salazar sa report sa GMA News.Tv.
Si Bangayan giaresto samtang nitambong sa Senate inquiry sa rice smuggling pinasikad sa arrest warrant nga giisyu sa Caloocan City Regional Trial Court Branch 126.
Ang kaso gipasaka batok sa usa ka Rose Tan ug David Tan ug uban pa nga giingong nakalapas sa Republic Act 7832 o Anti-Electricity and Electric Transmission Lines/Materials Pilferage Act of 1994.
Matud pa ni Salazar ang pangalan sa arrest warrant ug sa kasong gisang-at sa RTC mao si David Tan ug dili si Davidson Bangayan.
Si Bangayan kusganong miinsister nga dili siya si David Tan nga maoy gitumbok nga big time rice smuggler, apan dunay mga dokumento gikan sa Department of Justice sa kasong libel nga gipasaka si Bangayan batok sa usa ka Jesus Arranza, chairman sa Federation of Philippine Industries niadtong 2005, nga diin nagpakita si Bangayan migamit usab sa alyas nga David Tan. (Gikan sa Wires/EIM)(BANAT NEWS)
- Latest
