CV ikatulo nga daghan og Insular Prisoners
CEBU, Philippines - Ang Central Visayas ikatulo sa tanang rehiyon sa nasud nga labing daghan og “insular prisoners†nga nabilanggo karon sa New Bilibid Prisons sa Muntinlupa ug ubang nasudnong bilanggoan.
Ang Region-7 kon Central Visayas gilangkoban sa mga probinsya sa Cebu, Bohol, Negros Oriental ug Siquijor.
Ang rekord sa Bureau of Corrections nagbutyag nga miabot og 3,020 ka “insular prisoners†nga gikan sa lainlaing mga dapit sa Central Visayas ang gitanggong pa sa lainlaing national penetentiary.
Nakonbikto sila sa lainlaing kaso sama sa pagpatay, pagpanulis, pagpamaligya og illegal nga drugas, pagpangidnap, pagpa-ngawkaw og kwarta sa kagamhanan ug uban pa nga mga kaso nga ang silot sa mata’g usa subra sa tulo ka tuig nga pagkabilanggo.
Ang lagda nga ang mga “insular prisoners†dad-on g’yud sa New Bilibid Prisons sa Muntinlupa ug balhinon lang sila sa ubang nasudnong bilanggoan kun makita nga sila nagbinuotan.
Ang ubang nasudnong bilanggoan mao ang Davao Prisons & Penal Colony, Iwahig Penal & Prison Farms sa Palawan, San Ramon Prisons & Penal Farms, Sablayan Prisons & Penal Farm sa Mindoro, Leyte Regional Prisons ug ang Correctional Institution for Women.
Sa 16 ka rehiyon sa nasud, ang National Capital Region (NCR) nga nasakop ang dakbayan sa Manila ug Quezon, maoy labing daghan og insular prisoners nga miabot og 9,637.
Nagsunod sa NCR mao ang Region-4 (3,330); Region 8 (Leyte, Samar ug Biliran) dunay 2,901; Region 5 (2,436); Region 10 (2,342); Region 6 (2,284); Region 1 (2,236); Region 11 (1,943); Region 3 (1,907); Region 12 (909); Region 2 (955); Region 13 (926); Cordillera Administrative Region (465) ug ARMM (225).
Ang tanang konbiktado nga mga binilanggo nga gitanggong karon sa lainlaing national penetentiary miabot og 36,912.
Base sa rekord ang New Bilibid Prisons maoy labing daghan og binilanggo (20,982); Davao Penal Farms (5,984); Iwahig Penal Farm (2,772); Sablayan Penal Farms (2,215); Correction Institution for Women (1,988); Leyte Regional Prison (1,632); San Ramon Penal Farm (1,365).
Sagad sa mga nakonbikto mga Katoliko (29,247); Iglesia (2,428); Protestant (1,920); Islam (1,544) ug adunay 1,781 nga sakop sa ubang relihiyon.
Ang kadaghanan sa mga nakahimo og dagkong salaud nagpangidaron og 22 ngadto sa 39 ug ang kadaghanan ‘sab sa mga insular prisoners mga tawo nga wala makatapos sa elementarya.
Samtang lima ka insular prisoners nga taga Sugbo nga mipuga gikan sa mga national penetentiary padayon pa karong gipangita sa mga tinugyanan sa balaud.
Sila mao si Alde P. Aranton, taga Pulpogan, Consolacion; Rene P. Bitoon, taga Barangay Adlawon; Christopher Bocales, Alaska-Mambaling, Jovannie S. Misa, Barangay T. Padilla; ug Fernando Moncida Jr. taga Sitio Itum-Yuta, Lorega-San Miguel. (BANAT NEWS)
- Latest
