Unom patay kang Basyang
CEBU, Philippines - Miabot na og unom ka tawo ang namatay sa pagtugpa sa bagyong Basyang dinhi sa Sugbu sa milabay’ng Biyernes sa gabii.
Usa kanila ang nakuryentihan nga si Jose Hadji Aque Babatid, 22, taga Baliwagan, Balamban.
Matud pa nga misulay paglabang sa dalan nga gibahaan ug didto kini misubay duol sa poste sa kuryente nga grounded ug sa iyang pagkupot sa poste mikirig kini ug mitapot sa poste matud pa sa kauban niyang si Richard Yray, 24.
Samtang nakuryentihan patay sa poste sa CEBECO II ang usa ka Vincent Paras Jayme,5, sa sitio Chocoville sa barangay Poblacion,Compostela.
Giingong nangaputol ang wire tungod sa natumbang kahoy pag-igo sa bagyong Basyang ug maoy nasaghiran sa biktima.
Patay na usab nga naglutaw sa dagat ang usa ka Anthony Collarte, 63, diha sa sitio Panitugan, barangay Sulangan sa Daanbantayan sa alas 10:45 sa buntag.
Sumala pa nga naghakot kini og balas bisan dunay bagyo apan wala kini magpapugong, gituohang nalumos kini tungod sa kadagko sa bawod.
Samtang patay usab ang tripulante sa nadugmok nga M/B Ave Maria 5 nga si Danny Punay Tundag, 24, taga Daanbantayan, diha sa kadagatan sa Eastern Poblacion sa lungsod sa Poro.
Samtang patay usab ang usa ka 14-anyos nga si Allan Degino nga natabunan sa midahiling yuta kauban sa mga igsuon diha sa barangay Cambigong , Samboan.
Sa labing uwahing report, nakit-an na ang na-missing nga Koreano nga si No Geaol Ga, 25, ilang tour guide nga si Julius Perillia, 30, ug ang tulo ka tripulante nga sila si Stimson Zoilo Sr., 50; Jimson Zoilo, 22; ug Arron Zoilo, 19, taga San Francisco, Camotes.
Si Seaman Second Class Jomar Veloso, sa Coast Guard Operations, miingon nga naanod ang mga biktima sa balod sa dagat.
“Gigamit nila nga abayan ang banca pagkakita sa nag-rescue nila,†matud pa ni Veloso.Ang mga biktima gidala sa Danao Provincial Hospital aron mapa-check-up ug mapatambalan sakay sa CG vessel 5002. (/EIM)(BANAT NEWS)
- Latest
