Kapin 400 paketeng shabu nasakmit, duha ka lalaki nadakpan sa kapolisan
CEBU, Philippines - Kapin sa 400 ka paketeng gidudahang shabu ang nakuha gikan sa duha ka mga lalaki nga gikatahong mga drug pushers sa managlahing buy bust operation sa kapolisan sa dakbayan sa Sugbo. Nasikop sa mga sakop sa City Intelligence Branch sa Cebu City Police Office si Tony Labaya, 51, taga sitio Sario, barangay Bulacao, Pardo.
Matud pa ni Chief Insp. Romeo Santander ang hepe sa CIB nga nakadawat sila’g taho sa silingan sa suspetsado sa iyang ilegal nga kalihokan.
Busa iya kining gipapanid-an ug dihang nasuta nga positibo ang maong taho mipahigayon sila og buy-bust operation nga miresulta sa pagkasikop kaniya.
Narekober gikan kaniya ang 330 ka pakete nga shabu ug ang P400 nga buybust money. Samtang nasikop usab sa mga City Anti Illegal Drugs Special Operations Task Group (CAIDSOTG) si Ireneo Ministerio, 26, sa Pung-ol-Sibogay sa dakbayan sa Sugbo.
Nakuha gikan kang Ministerio ang usa ka dakong pakete sa shabu ug ang unom ka gamay nga pakete atol sa buybust operation ug ang buy- bust money nga gigamit sa kapolisan.
Gibana-bana nga mokabat og P100 mil nakuha nga drugas gikan kang Ministerio.
Miangkon hinuon ang suspetsado nga namaligya gyud siya og drogas tungod kay siya ra man ang nagsuporta sa iyang inahan nga masakiton og hubak.
“Wa gyuy laing mosuporta sa tambal sa akong mama,†matud ni Ministerio.
Mag-atubang og kasong kalapasan sa Sec. 5 and 11 of Article 2 of RA 9165. (/EIM)(BANAT NEWS)
- Latest
