Pagdeklarar og state of calamity sa 17 ka barangay iresponsable–Rama
CEBU, Philippines - Gumikan sa pagdeklara sa 17 ka barangays nga under state of calamity nga wala pay saktong data, gihulagway kini ni Cebu City Mayor Michael Rama nga usa ka “irresponsible statement.â€
Si Rama wa makauyon sa pagdeklara sa konseho niadtong Miyerkules sa upland barangays nga ipaubos sa state of calamity kay matud pa niya “state of preparedness†ang saktong deklarasyon.
Ang barangays nga gideklarar sa konseho nga under state of calamity mao ang Sudlon 1, Sudlon 2, Buot-Taup, Malubog, Tabunan, Bonbon, Lusaran, Adlaon, Sirao, Tagba-o, Taptap, Guba, Cambinocot, Paril, Budlaan, Pung-ol Sibugay ug Sinsin.
Ang mga pananom ug mga hayopan nangamatay tungod sa kabugnaw sa panahon nga nasinati karon sa bukirong mga barangay. Gani ang uban gipang-ihaw na lang ang mga nagluya nga baka inay maunhan og kamatay.
Gibanabanang mokabat og P11 milyones ang damage sa mga pananom ug kahayupan.
“Why are we declaring state of calamity in all? Nag-una man sila og state of calamity, ang ako unta ana state of preparedness. With the data kahibalo na ta unsaon pag-approach,†matud ni Rama. Si Konsehal Dave Tumulak, ang usa sa mga author sa maong resolution mi-esplikar sa Banat News nga ang pagdeklara sa barangay nga ubos sa state of calamity apil sa ilang “preparation and mitigation†nga aksyon.
Si Tumulak miangkon nga sakto si Rama sa puntong kinahanglan og data aron saktong masuta ang kadaot dala sa di ordinaryong katugnaw sa kabukiran sa syudad sa Sugbo.
“Atong gideklara daan aron di na maglisod anytime nga i-implement na kay declared na man nga under state of calamity,†matud ni Tumulak. (BANAT NEWS)
- Latest
