CEBU, Philippines - Nagtinguha karon si Cebu 6th District Board Member Thadeo Ouano nga kahimoan og pagtuon ang pagsagop sa “Visa-Free Entry†mechanism alang sa mga langyaw nga magpapatigayon ug mga turista nga mobisita sa lalawigan sa Sugbo.
Ang mao niyang tinguha maoy unod sa iyang gipangamahanang resolution nga iyang iduso karong Lunes sa regular session nga ilang pagahimoon sa mga sakop sa Hunta Probinsiyal.
Matud pa ni Ouano nga mas paspas nga maka-recover ang amihanang bahin sa Sugbu nga naguba sa bagyong Yolanda kung modagsa ang mga turista.
Ang kalungsoran sa amihanang lalawigan dunay daghang mga tourist destinations ug kini dako kaayo og ikatabang sa ilang ekonomikanhong kahimtang.
“Tourists are still attracted to visit the tourism sites of these affected LGUs and more will come to these sites if given the necessary incentives and suitable infrastructures to make their stay more comfortable and convenient,†nagkanayon ang resolution ni Ouano.
Si Ouano miingon nga ang “Visa-Free Entry†policy gisagop na kini sa uban nga mga nasud nga dako kaayo og katampo sa paglambo sa ilang ekonomiya nga naglakip sa nasud sa Japan, Hong Kong ug Singapore. (BANAT NEWS)