Binay mitan-aw sa Sinulog 2014

CEBU, Philippines - Gipasalamatan ni Vice Pres. Jejomar Binay ang mga Sugbuanon sa mainiton nga pagdawat kaniya atol sa selebrasyon sa Sinulog 2014 kagahapon atol sa iyang pagsaksi bisan sa makadiyot sa kompetisyon diha sa Cebu City Sports Complex kagahapon sa buntag.

Si Binay mipaabot sa iyang dakong pasalamat sa maayong panahon nga gihatag sa Balaang Bata aron magmalampuson ang maong kalihukan.

Gipasalamatan usab niya ang Sr. Sto. Niño sa pagprotiher niini gikan sa mga kalamidad maong ang dakbayan sa Sugbu wala kaayo’y mga dagkong kadaut atol sa linog ug bagyong Yolanda nga miigo sa Kabisay-an.

Nanghinaut hinuon si Binay nga mahatag na ug i-prayoridad sa nasudnong kagamhanan ang dinaliang hinabang alang sa paspas nga pagbangon sa mga naapektahang kalungsoran sa amihanang bahin sa Sugbu.

Human sa pagsaksi ni Binay, miduaw usab kini sa Carbon market alang sa usa ka "boodle fight" sa mga residente sa maong dapit. (BANAT NEWS)