K9 dogs motabang sa seguridad

CEBU, Philippines - Gipakatap kagahapong adlawa ang mga K9 dogs sa kapolisan pipila ka oras sa wala pa ang foot procession ug i-deploy sila pagbalik karong adlawa atol sa Sinulog Grand Parade. Si Supt. Arnel Banzon ang Deputy City Director for Administration sa Cebu City Police Office nga nahinabi sa Banat News miingon nga ang mga K9 Units sa Lapu-Lapu ug Mandaue gipadala usab aron pagtabang sa Cebu City.

Gawas pa niini, ang Philippine Drug Enforcement Agency ug ang Philippine Coast Guard miabag usab  pinaagi sa pag-deploy sa ilang K9 units.

Dugang ni Banzon nga ang maong mga K9 units mao sab ang ipakatap sa Sinulog Grand Parade karong adlawa.

Gipaabot nga minilyon ka mga deboto ang mosaksi o manan-aw sa parade karong adlawa.  (BANAT NEWS)