LP ug Alayon maghiusa?

CEBU, Philippines - Dunay mga pangindahay nga magkahiusa na ang partidong Alayon ug Liberal Party sa syudad sa Talisay.

Kini human nipadayag sa kaandam sa panagtinabangay si First District Cong. Gerald Anthony “Samsam” Gullas sa Alayon ug Talisay city Mayor Johnny delos Reyes human sa panagtagbo sa duha sa usa ka basketball tournament sa barangay Lagtang sa nahisgutang syudad.

Suma pa ni Gullas nga pinaagi sa mainitong paghangop ug panagtagbo nilang Mayor delos Reyes posibleng magpadayon na ang ilang maayong relasyon.

Sa iyang bahin si delos Reyes nipadayag usab sa iyang dakong kalipay nga nahinabi niya ang batan-ong kongresista sa unang distrito.

Masaligon ang mayor nga magbunga og maayong epekto ug mga programa alang sa kalambuan sa syudad ang ilang panagtagbo. (BANAT NEWS)