Panimalos maoy motibo sa pagpatay

CEBU, Philippines - Suspetsado sa pagpatay sa inahan ug anak niadtong milabay’ng Pasko gituohang gibaslan matud ni Superintendent Resty Santos, officer-in-charge sa Talisay City Police Station.

  Kahinumduman nga si Manuel Caña, 45, residente sa barangay Lawaan II, dakbayan sa Talisay gipusil patay sa duha ka wala mailhing mga lalaki  nga nagsakay og traysikol niadtong Lunes sa hapon diha sa sitio Sombrea sa nahisgutang barangay.

Si Santos nga nahinabi sa Banat News kagahapon mibutyag nga si Manuel maoy suspetsado sa pagpusil patay sa iyang bayaw nga si Carlota Caña ug pag-umangkon nga si Christian Caña sa milabay’ng Pasko diha sulod sa balay sa mga biktima sa sitio Riverside, barangay Lawaan II.

Matud ni Santos nga giimbitar nila kaniadto si Manuel ug gipaubos sa imbestigasyon ug gikatakda na untang pasakaan og kasong double murder.

Si Santos midugang nga posibleng si Manuel gibaslan kini sa mga paryente ni Carlota hinuon gipaladman sa kapolisan ang pagpahigayon og imbestigasyon sa maong hitabo. (BANAT NEWS)