CEBU, Philippines - Usa ka gatos ka mga pulis sa dakbayan sa Lapu-Lapu ipadala sa dakbayan ngadto sa dakbayan sa Sugbu alang sa tulo ka adlaw nga selebrasyon sa Sinulog 2014.
Matud pa ni Lapu-Lapu City Police Office Director Sr. Supt. Rey Lyndon Lawas sugod karong Biyernes, Enero 17 hangtod sa Sinulog Grand Parade ang maong mga polis tabang sa seguridad sa kapistahan ni Sr. Sto. Niño.
Ang Cebu City Police Office mipadala usab kaniadto sa ilang mga sakop sa dakbayan sa Lapu-Lapu atol sa kapistahan niini sa Birhen sa Regla.
Samtang sa dakbayan sa Lapu-Lapu 170 usab ka mga puolis ang magbantay sa seguridad sa mga turista nga mibisita sa Sugbu alang sa pagsaksi sa Sinulog 2014.
Ang mga sakop sa Tourist Police kanunay nga nag-monitor sa mga hotels ug resort alang sa seguridad sa mga dumoduong ug mga langyaw nga nia sa dakbayan sa Lapu-Lapu.
Tulo ka adlaw nga walay dayoff ug full alert ang kapolisan sa dakbayan sa Lapu-Lapu diin lakip ang mga vital installations sa dakbayan ang kinahanglan nga i-monitor. (BANAT NEWS)